Azərbaycan idmançısı Paris-2024-də C/D yarımfinalında 3-cü oldu
Azərbaycan avarçəkəni Diana Dımçenko Fransanın paytaxtı Parisdə keçirilən Yay Olimpiya Oyunlarında növbəti dəfə çıxış edib.
Mediasport.az xəbər verir ki, o, 2000 metr məsafəyə fərdi yarışda 6-12-ci yerlər uğrunda mübarizə aparıb.
Olimpiadada medal şansını itirən ukraynalı legionerimiz C/D yarımfinalında altı iştirakçı arasında üçüncü yeri tutub.
Məsafəni 7 dəqiqə 59,23 saniyəyə qət edən idmançımız C finalına vəsiqə qazanıb.
Qeyd edək ki, Paris-2024 avqustun 11-də başa çatacaq.
