"Ferensvaroş"dan "Qarabağ"ın futbolçusu üçün 1 milyonluq təklif
Olavio Juninyonu 5 milyon avro qarşılığında "Flamenqu"ya satan "Qarabağ"a daha bir rəsmi təklif gəlib.
Mediasport.az "Sportinfo"ya istinadən xəbər verir ki, Ağdam klubuna növbəti dəvət "Ferensvaroş"dan daxil olub.
Macarıstan təmsilçisi Elvin Cəfərquliyevə görə "köhlən atlar"ın qapısını döyüb.
2023-cü ilin yayında Kvabena Ovusunu "Qarabağ"dan satın almış "Ferensvaroş" bu dəfə millimizin müdafiəçisinin xidmətində maraqlı olduğunu elan edib.
Qarşı tərəf mümkün transferlə bağlı danışıqlara başlamaq istədiklərini açıqlayıb, keçid üçün "Qarabağ"a 1 milyon avro təzminat ödəməyə hazır olduqlarını bəyan ediblər.
Həmçinin onun sonrakı satışından əldə edəcəkləri məbləğin 20 faizini "köhlən atlar"ın hesabına keçirməyə razıdırlar.
