Azərbaycanda matəm günüdür!
Bu gün Azərbaycanda matəm günüdür.
Mediasport.az xəbər verir ki, dekabrın 25-də "Azərbaycan Hava Yolları" QSC-yə məxsus Bakı–Qroznı reysini yerinə yetirən “Embraer 190” tipli sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar Prezident İlham Əliyev dekabrın 26-sının Azərbaycanda matəm gününün elan olunması barədə Sərəncam imzalayıb.
Qeyd edək ki, Azərbaycan Hava Yollarına məxsus təyyarənin qəzaya uğraması nəticəsində çox sayda insan həyatını itirib və ya xəsarət alıb.
J2-8243 nömrəli sərnişin təyyarəsində 5-i ekipaj üzvü, ümumilikdə 67 nəfər olub.
Sağ qalan 32 nəfər yaralı xəstəxanaya yerləşdirilib. Heyətdən 37 nəfər Azərbaycan vətəndaşıdır, onlardan 23-ü həlak olub.
