FOTO: Sabiq "Qarabağ"lılardan Azərbaycana dəstək paylaşımları
"Qarabağ"ın sabiq futbolçuları Yakub Jezniçak və Kadi Borges Malinovski dünən Qazaxıstanın Aktau şəhəri yaxınlığında yaşanan dəhşətli təyyarə qəzası ilə bağlı Azərbaycan xalqına dəstək nümayiş etdiriblər.
Mediasport.az xəbər verir ki, polşalı müdafiəçi və braziliyalı vinger sosial şəbəkə hesablarında faciə ilə əlaqədar post paylaşaraq kədərimizi bölüşüblər.
Xatırladaq ki, dekabrın 25-də “Azərbaycan Hava Yolları” QSC-yə (AZAL) məxsus J2-8243 nömrəli Bakı-Qroznı reysi ilə uçuş həyata keçirən “Embraer 190” təyyarəsi Qazaxıstanın Aktau şəhəri yaxınlığında qəzaya uğrayıb. "Hava gəmi"sinin göyərtəsində 5-i ekipaj üzvü, ümumilikdə 67 nəfər olub.
Sağ qalan 32 nəfər yaralı xəstəxanaya yerləşdirilib.
Heyətdən 37 nəfər Azərbaycan vətəndaşıdır, onlardan 23-ü həlak olub.
