“Qızıl top” mükafatını qazanmağa əsas namizədlər açıqlandı
"Goal" nəşri 2024/25-ci illər mövsümü üçün “Qızıl top”u qazanmağa əsas namizəd futbolçuların yenilənmiş reytinq cədvəlini təqdim edib.
Mediasport.az xəbər verir ki, siyahıya “Liverpul”un hücumçusu Məhəmməd Salah başçılıq edir.
İkinci yerdə Madrid "Real"ının hücumçusu Vinisius Junior, üçüncü yerdə isə "Barselona"dan Rafinya qərarlaşıb.
Sonrakı yerləri Camal Musiala (“Bavariya”), Robert Levandovski, Lamin Yamal (hər ikisi “Barselona”), Kilian Mbappe (“Real”), Harri Keyn (“Bavariya”), Koul Palmer (“Çelsi”) və Florian Virts (“Bayer”) tutur.
Qeyd edək ki, 2024-cü ildə "Qızıl top"u “Mançester Siti”nin yarımmüdafiəçisi Rodri qazanıb.
