"Old Trafford"da qalib olmadı, "Fənərbağça" derbidə qalib gəldi
Ötən həftə İngiltərə və Türkiyədə derbi həyəcanı yaşanıb.
Mediasport.az xəbər verir ki, Premyer Liqada "Mançester Yunayted" doğma "Old Trafford"da "Çelsi"ni qəbul edib.
İngiltərənin iki nəhəng kollektivinin duelində qalib müəyyənləşməyib - 1:1.
"Qırmızı şeytanlar" Bruno Fernandeşin penalti zərbəsindən vurduğu qolla önə keçsə də, "zadəganlar"ın heyətində Moyses Kaysedo 4 dəqiqə sonra komandasının bərabərlik qolunun müəllifi olub.
Türkiyə Superliqasında isə əzəli rəqiblər - "Trabzonspor" və "Fənərbağça" birincilərin stadionunda üz-üzə gəliblər.
Beş qolun vurulduğu prinsipial qarşılaşmada İstanbul nəhəngi qələbə qazanıb.
