İngiltərə yığmasının üzvü sabiq komandasına geri dönüb - RƏSMİ
"Borussiya" (Dortmund) "Mançester Yunayted"dən Ceydon Sançonun keçidini rəsmiləşdirib.
Mediasport.az xəbər verir ki, 23 yaşlı vingerlə imzalanan müqavilənin detalları açıqlanmayıb.
Xatırladaq ki, öncədən Sançonun "qırmızı şeytanlar"ın çalışdırıcısı Erik ten Haqla münasibətinin yaxşı olmadığı və futbolçunun yenidən Almaniya klubuna qayıtmaq ehtimalının olduğu haqda xəbər vermişdik.
2017-2021-ci illərdə də Bundesliqa klubunda çıxış edən futbolçunun statistik göstəriciləri belədir:
2017/18 mövsümü: 12 oyun, 1 qol, 4 məhsuldar ötürmə
2018/19 mövsümü: 34 oyun, 12 qol, 14 məhsuldar ötürmə
2019/20 mövsümü: 32 oyun, 17 qol, 16 məhsuldar ötürmə
2020/21 mövsümü: 26 oyun, 8 qol, 11 məhsuldar ötürmə
Ümumilikdə: 104 oyun, 38 qol, 45 məhsuldar ötürmə
