Legioner azərbaycanlılar: Zamiqin komandası qələbə qazandı, Rahilin oynadığı "Radomyak" "sülh" bağladı

4 Nov, 2024 - 14:06

Legioner həyatı yaşayan Azərbaycan millisinin üzvlərinin komandaları daxili birinciliklərdə meydana çıxıblar.

Mediasport.az xəbər verir ki, Zamiq Əliyevin uğurları üçün çalışdığı "Eqnatia" evdə "Tirana"nı 1 qolla məğlub edib (1:0).

Zamiq oyuna start heyətdə başlayıb və sona qədər mübarizə aparıb.

Mahir Emrelinin formasını geyindiyi "Nürnberq" səfərdə "Hamburq"la heç-heçə edib (1:1). Millimizin üzvü 62-ci dəqiqədə komandasının bərabərlik qolunun müəllifi olub.

Rahil Məmmədovun komandası "Radomyak" "Piast"la qarşılaşmada meydandan 1 xalla ayrılıb (1:1). Azərbaycanlı müdafiəçi görüşə əsas heyətdə start verib.

Renat Dadaşov və Həsən Nəzərlinin komandası "Ankaragücü" gözlənilmədən "İğdır"a uduzub (0:1). Dadaşov zədəli olduğu üçün adı matçın iştirak ərizəsinə daxil edilməyib, Nəzərli isə oyunu kənardan izləyib.

Emil Mustafayevli "Polessye" "Aleksandriya"ya məğlub olub (0:1). Mustafayev 68-ci dəqiqədə oyuna daxil olub.

Polşa Ekstraklasası. 14-cü tur

"Radomyak" - "Piast" 1:1