Nasirdən 5-ci çempionluq
“Dakar” rallisinin qalibi məlum olub.
mediasport.az xəbər verir ki, qətərli pilot Nasir Əl Attiya karyerası ərzində 5-ci dəfə yarışı birinci yerdə tamamlayıb.
“Dakar 2023”ün sonuncu -14-cü mərhələsinə Səudiyyə Ərəbistanı ev sahibliyi edir. Motosikletlər sinfində sonuncu yarış günündə Tobi Praysı qabaqlayan Kevin Benavides qələbəni bayram edib. Cütlüyün arasında finiş öncəsi 43 saniyə fərq olub. Yük maşınları sinfi üzrə isə yarışlar davam edir.
