"Neftçi"nin keçmiş futbolçusu əməliyyat edildi: "Tezliklə qayıdacam"
"Neftçi"nin sabiq futbolçusu Keysuke Honda əməliyyat olunub.
mediasport.az xəbər verir ki, 36 yaşlı yarımmüdafiəçi bu barədə "tvitter" hesabında paylaşım edib.
Yaponiyalı oyunçu dizindən əməliyyat edildiyini bildirib: "Tezliklə qayıdacağam. Mümkün qədər uzun müddət oynamaq istəyirəm".
Hazırda azad agent olan Keysuke Honda son olaraq Litvanın "Suduva" klubunda çıxış edib. Yarımmüdafiəçi 2020/2021 mövsümündə "Neftçi" ilə Azərbaycan Premyer Liqasının qalibi olub.
