Olimpiada və paralimpiadanın maskotu təqdim edildi
"Paris-2024" Yay Olimpiya və Paralimpiya Oyunlarının maskotu təqdim olunub.
mediasport.az xəbər verir ki, hər iki yarışın maskotu Frigiya papaqlarıdır.
Bu, Şərqi Avropa və Kiçik Asiyada yaşayan müxtəlif xalqların tarixi keçmişi ilə simvolizə olunan, ucu qabağa doğru əyilmiş konusşəkilli papaqdır. Müasir Avropada azadlıq və müstəqilliyə işarədir. Fransanın milli simvolunda da bu papağı görmək olar.
"Paris-2024" brendinin direktoru Jüli Matixinin sözlərinə görə, Frigiya papaqlarının seçilməsində məqsəd idmanın hər şeyi dəyişdirə biləcəyini və onun cəmiyyətdə görkəmli yer tutmağa layiq olduğunu göstərməkdir.
Fransanın paytaxtında gerçəkləşəcək olimpiada iyulun 26-dan avqustun 11-dək, paralimpiada isə avqustun 28-dən sentyabrın 8-dək təşkil ediləcək.
