"Qalatasaray" Avroliqada, "Mançester Yunayted" avrokuboklarla vidalaşıb
Futbol üzrə UEFA Çempionlar Liqasında 2023/2024 mövsümünün qrup mərhələsinin 6-cı turuna start verilib.
Mediasport.az xəbər verir ki, sonuncu turun ilk oyun gününün bütün qarşılaşmaları artıq başa çatıb.
"Lans" evdə "Sevilya"nı məğlub edib. Nəticə, İspaniya klubu qrupu 2 xalla sonuncu pillədə başa vurub və avrokuboklarla vidalaşıb.
Fransa təmsilçisi yoluna Avroliqanın pley-offunda davam edəcək.
"Sülh"lə başa çatan PSV - "Arsenal" matçından sonra isə ingilislər qrup birincisi olublar, Niderland təmsilçisi pley-offa 2-ci yerlə çıxıb.
A qrupunda Türkiyə çempionu "Qalatasaray" səfərdə Danimarka təmsilçisi "Kopenhagen"ə uduzub - 0:1. Nəticədə, İstanbul nəhəngi də yoluna Avropa Liqasının pley-off mərhələsində davam edəcək.
Günün ən maraqla gözlənilən matçlarından biri İngiltərədə baş tutub. "Mançester Yunayted" doğma azarkeşlər önündə "Bayern"lə minimal hesabla məğlub olub (0:1). Beləliklə, "qırmızı şeytanlar" avrokuboklarla vidalaşıb.
UEFA Çempionlar Liqası. Qrup mərhələsi. 6-cı tur
A qrupu
"Kopenhagen" (Danimarka) - "Qalatasaray" (Türkiyə) 1:0
Qol: L.Leraqer, 58.
"Mançester Yunayted" (İngiltərə) - "Bayern" (Almaniya) 0:1
Qol: K.Koman, 71.
Xal durumu: Bayern – 16. Kopenhagen – 8. Qalatasaray – 5. Mançester Yunayted – 4.
B qrupu
"Lans" (Fransa) - "Sevilya" (İspaniya) 2:1
Qollar: P.Frankovski, 63. A.Fulgini 90+6 - S.Ramos (penalti), 79.
PSV (Niderland) - "Arsenal" (İngiltərə) 1:1
Qollar: Y.Vertessen, 50 - E.Nketia, 42.
Xal durumu: Arsenal – 13. PSV – 9. Lans – 8. Sevilya – 2.
C qrupu
"Napoli" (İtaliya) - "Braqa" (Portuqaliya) 2:0
Qollar: S.Saatçı (avtoqol), 9. V.Osimhen, 33.
"Union" (Almaniya) - Real (İspaniya) 2:3
Qollar: K.Volland, 45+1. A.Kral, 86 - Xoselu, 61, 72. D.Sebalyos, 89
Xal durumu: Real – 18. Napoli – 10. Braqa – 4. Union Berlin – 2.
D qrupu
"İnter" - "Real Sosyedad" (İspaniya) 0:0
"Zalsburq" (Avstriya) - "Benfika" (Portuqaliya) 1:2
Qollar: L.Suçiç, 57 - A.Di Maria, 32. R.Silva, 45+1
Xal durumu: Real Sosyedad – 12. İnter – 12. Benfika – 4. Zalsburq – 4.
