Çempionlar Liqasında 1/4 final: "Barselona" və "Atletiko" sevindi
UEFA Çempionlar Liqasında 1/4 final mərhələsinin daha iki görüşü baş tutub.
Mediasport.az xəbər verir ki, İspaniya təmsilçiləri yarımfinal yolunda əzmkar qələbələr qazanıblar.
Bu cütlər arasında cavab qarşılaşmaları aprelin 16-da oynanılacaq.
Dünən keçirilmiş duellərdə “Real” (İspaniya) “Mançester Siti” (İngiltərə) ilə 3:3, “Arsenal” (İngiltərə) isə “Bavariya” (Almaniya) ilə 2:2 bərabərə qalıb.
UEFA Çempionlar Liqası. 1/4 final. İlk oyunlar
“Atletiko” (İspaniya) - “Borussiya” (Dortmund, Almaniya) 2:1
Qollar: Rodriqo de Paul, 5, Samuel Lino, 32 - Sebastyen Aller, 81.
Baş hakim: Marko Quida (İtaliya).
Madrid, “Metropolitano” stadionu.
PSJ (Fransa) - “Barselona” (İspaniya) 2:3
Qollar: Usman Dembele, 48, Vitinya, 51 - Rafinya, 37;62, Andreas Kristensen, 77.
Baş hakim: Entoni Teylor (İngiltərə).
Paris, “Park De Prens” stadionu.
