"Qarabağ"dan Britaniyanın Azərbaycandakı səfirinə cavab - FOTO
"Qarabag" Futbol Klubunun Britaniyanın Azərbaycandakı səfiri Fergus Old və səfirlik əməkdaşlarının komandaya üzv kimi qəbul edilməsi təklifinə cavabı gecikməyib.
mediasport.az xəbər verir ki, Ağdam təmsilçisi səfirin tvitter hesabındakı paylaşımına elə zarafatyana reaksiya verib: "Böyük məmnuniyyətlə! Qapılarımız üzünüzə açıqdır. İstədiyiniz zaman gəlin, müqavilə şərtlərini razılaşdıraq. Bizim üçün şərəf olar".
Daha əvvəl Fergus Old səfirlik əməkdaşlarının futbol oyununun şəkillərini paylaşaraq "Bu gün səfirliyin əməkdaşları ilə futbol oynadıq. Həm işdən ayrılan əməkadaşlarımız ilə sağollaşdıq, həm də həyatımıza idman qatdıq. "Qarabag" Futbol Klubu, bizi üzv kimi qəbul edərsiniz?" deyə, "Qarabağ"a yarızarafat müraciət etmişdi.
