Dünya futbolunun iki unudulmaz siması yenidən üz-üzə - RƏSMİ
Dünya futbolunun iki unudulmaz siması - Kriştianu Ronaldu və Lionel Messi növbəti dəfə yaşıl meydanda qarşılaşacaq.
Mediasport.az xəbər verir ki, portuqaliyalı əfsanənin formasını geyindiyi Səudiyyə Ərəbistanının "Əl-Nəsr" klubu argentinalı ulduzun çıxış etdiyi ABŞ-nin "İnter Mayami" komandası ilə yoldaşlıq görüşündə üz-üz gələcək.
Dünya çempionunun komandası yeni mövsümə hazırlıq məqsədilə Səudiyyə Ərəbistanının paytaxtı Ər-Riyada yollanacaq və yoldaşlıq matçı burada baş tutacaq.
"İnter Mayami" 2024-cü ilin yanvarın 29-da "Əl-Hilal", fevralın 1-də isə "Əl-Nəsr"lə gücünü sınayacaq.
Qeyd edək ki, bu iki əfsanəi indiyədək müxtəlif klubların heyətlərində bütün turnirlər daxil 38 dəfə rəqib olublar - 17 görüşdə Messi sevinib, 11 dəfə Ronaldu.
10 duel "sülh"lə başa çatıb.
