Kərimova 2 qızıl medal qazanaraq Avropa rekordunu yenilədi - DÇ
Pauerliftinq üzrə Azərbaycan millisinin üzvləri Talıb Zeynalov və Leyla Kərimova Birləşmiş Ərəb Əmirliklərinin Dubay şəhərində keçirilən dünya çempionatında hərəyə iki medal qazanıb.
Milli Paralimpiya Komitəsindən “Mediasport”a verilən məlumata görə, Zeynalov +107 kq çəki dərəcəsində gənclərin yarışında 2 gümüş mükafata yiyələnib.
O, ən yaxşı nəticəyə (160 kq) və umümi çəkiyə (307 kq) görə buna nail olub.
Leyla Kərimova (+86 kq) isə ən yaxşı qaldırdığı nəticəyə görə (78 kq) və umümi qaldırdığı çəkiyə görə (148 kq) qızıl medallara sahib çıxıb. İdmançımız eyni zamanda gənclər arasında Avropa rekordunu yenilədi.
