Məşqçisi 2 oyunluq cəza aldı, "Sumqayıt"ı 1500 ziyana saldı
AFFA-nın İntizam Komitəsinin iclası keçirilib.
Mediasport.az xəbər verir ki, yığıncaqda Azərbaycan Premyer Liqasının XXVIII turunda baş verən hadisələrə hüquqi qiymət verilib.
“Səbail” - “Turan Tovuz” oyununda 4 futbolçusu sarı vərəqə alan qonaqlar 700 manat cərimə edilib. “Sumqayıt” - “Araz-Naxçıvan” matçında eyni sayda xəbərdarlıq alan meydan sahibləri də 700 manat ödəməli olacaq.
“Sumqayıt” məşqçisi Seymur Rəhimova görə də cəzalanıb. 90+2-ci dəqiqədə hakimin qərarına etiraza görə birbaşa qırmızı vərəqə alan çalışdırıcı 2 oyun cəzalanıb, klubu 1500 manat cərimə edilib.
