Yığmamızın Millətlər Liqasında oyunlarının yeri və saatı açıqlanıb
![Yığmamızın Millətlər Liqasında oyunlarının yeri və saatı açıqlanıb](https://mediasport.az/uploads/images/202311/image_750x_655c9baa06acc.jpg)
Qadın futbolçulardan ibarət Azərbaycan millisinin UEFA Millətlər Liqasında Kipr və Farer adalarına qarşı keçirəcəyi oyunların məkanı və başlama vaxtı açıqlanıb.
Mediasport.az xəbər verir ki, Kipr yığması ilə oyun dekabrın 1-də, Bakı vaxtı ilə saat 21:00-da Limassoldakı “Limassol” stadionunda baş tutacaq.
Farer adaları ilə qarşılaşma isə dekabrın 5-də saat 19:00-da Mərdəkandakı “Dalğa Arena”da oynanılacaq.
Qeyd edək ki, Azərbaycan millisi 4 oyundan sonra 10 xalla qrup lideridir. İkinci pillədəki Kiprin 7, üçüncü Monteneqronun 6 xalı var.
Autsayder Farer adalarının isə xalı yoxdur.