"Qarabağ" reytinq xalını artırdı
Azərbaycanın UEFA reytinqində xal ehtiyatı yenidən artıb.
mediasport.az xəbər verir ki, bu, "Qarabağ"ın Avropa Liqasının 5-ci turu çərçivəsində "Olimpiakos"la heç-heçə etməsi sayəsində mümkün olub.
Bərabərlik ölkəmizin aktivinə 0,250 xal gətirib. Cari mövsüm üzrə xal sayını 3.250-ə, son 5 mövsümdə isə 15.875-ə çatdıran Azərbaycanın 29-cu pillədəki mövqeyi dəyişməyib.
28-ci yerdəki Polşanın 17,500 xalı var. 27.900 xalı olan Türkiyə 4 pilləlik sıçrayışla 14-cü sıraya yüksəlib. Əvəzində İsveçrə (27.675) 15-ci, Ukrayna (27.500) isə 16-cı pilləyə geriləyib.
Bundan başqa, Litva 9.750 xalla 40-cı yerə qalxıbsa, eyni xala malik Bosniya və Herseqovina 41-ci sıraya enib. Siyahıya 96,141 xalla İngiltərə başçılıq edir.
