İddiaçılar Turniri: Nicat rusiyalı həmkarı ilə yenə heç-heçə edib
Kanadada keçirilən İddiaçılar Turnirində Nicat Abasov növbəti oyununu keçirib.
Mediasport.az xəbər verir ki, təmsilçimiz 8-ci turda rusiyalı Yan Nepomnyaşi (FİDE) ilə qarşılaşıb və heç-heçə edib.
Abasovla Yan Nepomnyaşi arasında 1-ci turda keçirilən görüş də heç-heçə yekunlaşmışdı - 0,5:0,5.
Nicatın 9-cu turda rəqibi ABŞ təmsilçisi Fabiano Karuana (FİDE) olacaq.
Şahmatçılar arasında 2-ci tura təsadüf edən ilk görüşdə təmsilçimiz uduzmuşdu.
Xatırladaq ki, N. Abasov hazırda 2.5 xalla sonuncu - səkkizincidir.
