Məsut Özil "Zirə"nin qonağı oldu
Dünən "Azərsun Arena"da "Qarabağ"ın açıq məşqini izləyən, sonra azərbaycanlı futbol azarkeşləri ilə görüşən Almaniya millisinin sabiq üzvü Məsut Özil "Zirə" klubunun da qonağı olub.
Mediasport.az xəbər verir ki, görüşdə qəsəbə təmsilçisinin Müşahidə Şurasının sədri Orxan Məmmədov və əsas komandanın uğurları üçün çalışan baş məşqçi Rəşad Sadıqov da iştirak edib.
Dünya çempionu Zirə İdman Kompleksində klubun U-19 komandası ilə görüşüb, futbolçularla fikir mübadiləsi aparıb.
Xatırladaq ki, Məsut karyerası ərzində Madrid "Real"ı, "Arsenal, "Şalke", "Fənərbağça", "Başakşəhər" kimi klublarda top qovub.
