"Cadet Circuit": Qılıncoynadanımız İstanbulda gümüş medal qazandı
Türkiyədə qılıncoynatmanın sablya növü üzrə 17 yaşadək yeniyetmələr arasında "Cadet Circuit" turniri keçirilir.
Mediasport.az xəbər verir ki, İstanbulda keçirilən yarışda təmsilçimiz Abbas Hüseynov şəxsi mübarizədə gümüş medala yiyələnib.
O, qrup mərhələsində keçirdiyi 5 görüşün hamısında qələbə qazanıb.
Pley-offda Rumıniya, Misir, Böyük Britaniya, Bolqarıstan, Türkiyədən olan rəqiblərini mübarizədən kənarlaşdırıb və adını finala yazdırıb.
Abbas həlledici görüşdə Yiğit Ayaza (Türkiyə) 6:15 hesabı ilə məğlub olub.
