"Neftçi" "Zenit"ə qalib gəlib - VİDEO
Milli komandaların seçmə mərhələ və yoldaşlıq oyunları ilə əlaqədar daxili çempionatlarda yaranmış fasilədən yararlanmağa çalışan "Neftçi" bu gün yoxlama matçında gücünü sınayıb.
Mediasport.az xəbər verir ki, Adrian Mutunun baş məşqçisi olduğu komanda Bakıda Rusiya Premyer Liqası təmsilçisi "Zenit"lə qarşılaşıb.
"Neftçi Arena"da keçirilən görüş "ağ-qaralar"ın qələbəsilə yekunlaşıb - 2:1.
Qeyd edək ki, "ağ-qaralar" yay toplanışı çərçivəsində Rusiyada təşkil olunan "MATÇ TV" kubokunda Sankt-Peterburq klubuna 1:3 hesabı ilə məğlub olub.
Yoldaşlıq oyunu
21:00. “Neftçi” (Azərbaycan) – “Zenit” (Rusiya) 2:1
Qollar: Reziuan Mirzov, 9, 62 - Du Keyruş.
