"Zirə"nin rəhbəri postundan ayrıldı, Orxan Məmmədov yeni prezident oldu
Azərbaycan Minifutbol Federasiyasının növbəti ümumi yığıncağı keçirilib.
MediaSport.az xəbər verir ki, Orxan Məmmədov növbəti dörd il üçün prezident seçilib.
O, bu barədə rəsmi tviter hesabında paylaşım edib. Toplantıya gənclər və idman naziri Fərid Qayıbov da qatılıb.
Orxan Məmmədov etimad göstərən hər kəsə təşəkkür edib: "İnanıram ki, federasiya olaraq bundan sonra da ölkəmizi dünyada layiqli təmsil edəcəyik".
Qeyd edək ki, Azərbaycan Minifutbol Federasiyasının prezidenti Taleh Nəsibov, fəxri prezidenti isə Orxan Məmmədov idi. Taleh Nəsibov federasiyaya vitse-prezident təyin olunub. O, həm də "Zirə" futbol klubunun prezidentidir.
