Premyer Liqa klubundan Səudiyyə Ərəbistanına təklif göndərildi
"Araz-Naxçıvan" heyətini gücləndirmək istiqamətində işə başlayıb.
Mediasport.az xəbər verir ki, qış fasiləsinə ikinci pillədə yollanan Elmar Baxşıyevin komandası Səudiyyə Ərəbistanından futbolçu gətirmək istəyir.
Muxtar Respublika təmsilçisi bu ölkənin 1-ci Liqasında "Əl-Adalah"ın formasını geyinən Alan Lima Kariusa dəvət göndərib.
Braziliyalı yarımmüdafiəçiyə "6 ay+1 illik" müqavilə təklif olunub.
Cənubi amerikalının ərəblərlə müqaviləsi bu ilin yayında başa çatacaq.
“Vasko da Qama”nın yetirməsi vətənində “Volta Redondo”, "Vila Nova", Avstriyada “LASK Linz”, "Blu-Vayss Linz", “Sankt-Pölten”, Türkiyədə “Kasımpaşa" və “Tuzlaspor”, Yaponiyada “Kyoto Sanqa” və Səudiyyə Ərəbistanında “Əl-Najma” klublarının şərəfini qoruyub.
