Millimizin DÇ rəqiblərinin ilk oyunlarının vaxtları açıqlandı
2026-cı il dünya çempionatının seçmə mərhələsinin D qrupunda Azərbaycan yığmasının rəqibləri olacaq Ukrayna və İslandiya milli komandalarının UEFA Millətlər Liqasında pley-off görüşlərinin tarixləri müəyyənləşib.
Mediasport.az xəbər verir ki, ukraynalılar Belçika yığması ilə martın 20 və 23-də qarşılaşacaqlar.
İslandiya isə eyni tarixlərdə Kosovo futbolçuları ilə üz-üzə gələcək.
Ukrayna A divizionuna yüksəlmək uğrunda, İslandiya isə B divizionunda qalmaq üçün mübarizə aparacaq.
Xatırladaq ki, millimiz DÇ-2026-nın seçmə qrup mərhələsi çərçivəsində ilk görüşünü sentyabrın 5-də İslandiyaya, 4 gün sonra Ukraynaya qarşı keçirəcək.
Qrupumuzda yer alacaq digər rəqib isə Xorvatiya - Fransa duelinin güclüsü olacaq.
