Qış toplanışına Bakıda start verən "Neftçi" sabah Qəbələyə yollanır
"Neftçi"nin qış təlim-məşq toplanışına harada davam edəcəyi açıqlanıb.
Mediasport.az xəbər verir ki, yanvarın 3-də hazırlığı bərpa edən paytaxt təmsilçisi sabah Qəbələyə yollanacaq.
İki gün “Neftçi” Futbol Mərkəzində hazırlaşan komandanın Qəbələ toplanışı yanvarın 6-dan 12-dək nəzərdə tutulub.
Yoxlama oyunları ilə bağlı əlavə məlumat veriləcək.
Qeyd edək ki, “Neftçi” bu il ilk rəsmi matçını Premyer Liqada yanvarın 19-da evdə “Sabah”a qarşı keçirəcək.
