"Qarabağ" və "Sabah" irəlilədi, "Turan Tovuz" reytinqə daxil oldu
Beynəlxalq Futbol Tarixi Statistikaları Federasiyası (İFFHS) klubların yeni reytinq cədvəlini açıqlayıb.
Mediasport.az xəbər verir ki, planetin 502 ən yaxşı komandasının yer aldığı siyahıda Azərbaycanın 4 təmsilçisi var.
Klublarımızdan ən yaxşı göstəriciyə malik “Qarabağ” 5 pillə irəliləyib. Qurban Qurbanovun rəhbərlik etdiyi kollektiv 177,50 xalla 67-ci sırada qərarlaşıb.
"Sabah" da irəliləyişə nail olub. Masazır klubu 14 pillə sıçrayaraq 62,50 xalla 409-cudur.
Mövqeyi dəyişməyən “Zirə” 94,25 xalla 219-cu yerdə qalıb.
Siyahıya yeni daxil olan “Turan Tovuz” 53,75 xalla 496-cıdır.
Reytinqə 388 xalla Madrid “Real”ı başçılıq edir.
