Rumıniya klubu Bakıya bu axşam azarkeşləri ilə birlikdə səfər edəcək
UEFA Avropa Liqasının əsas mərhələsinin 7-ci turu çərçivəsində "Qarabağ"ın qonağı olacaq Rumıniyanın FKSB klubu Azərbaycana bu axşam səfər edəcək.
Mediasport.az xəbər verir ki, Buxarest təmsilçisi Bakıya çarter reysi ilə uçacaq.
Rumınlar ölkələrinə qarşılaşmanın ertəsi gün qayıdacaqlar.
FKSB paytaxtımıza özü ilə 80-ə yaxın azarkeş də gətirəcək. Ağdam klubu qonaqlar üçün 100 bilet ayırıb.
Yanvarın 23-də Tofiq Bəhramov adına Respublika stadionunda baş tutacaq görüş saat 21:45-də başlanacaq.
