"Sabah" "Başakşəhər"lə, "Zirə" "Fehervar"la qarşılaşa bilər - PÜŞK
UEFA Avropa Konfrans Liqasında da pley-off mərhələsinin püşkü atılıb.
Mediasport.az xəbər verir ki, yarışın 3-cü təsnifat mərhələsində mübarizəni davam etdirən "Zirə" və "Sabah"ın cütlərinin qaliblərinin mümkün pley-off rəqibləri müəyyənləşib.
"Zirə" 3-cü raundda Xorvatiyanın "Osiyek" klubunu keçsə, pley-offda “Omoniya” (Kipr) - “Fehervar” (Macarıstan) cütünün qalibi ilə qarşılaşacaq.
"Sabah" isə 3-cü mərhələdə İrlandiyanın “Sent Patriks” kollektivini mübarizədən kənarlaşdırsa, pley-offda “İberia” (Gürcüstan) - “Başakşəhər” (Türkiyə) cütünün güclüsü ilə üz-üzə gələcək.
Pley-off mərhələsinin ilk oyunları avqustun 8-də, cavab qarşılaşmaları 15-də keçiriləcək.
