Vüqar Kərəmov sabah Yaponiyada kəmər döyüşünə çıxacaq
Azərbaycanın MMA döyüşçüsü Vüqar Kərəmov sabah növbəti sınağına çıxacaq.
Mediasport.az xəbər verir ki, "Qəbələ" İdman Klubunun üzvü "Rizin" turnirində Yaponiya təmsilçisi Roberto Satoşi ilə qarşılaşacaq.
Görüş Yaponiyanın Saytama şəhərindəki “Saytama Super Arena”da baş tutacaq. “Rizin49” çərçivəsində keçiriləcək kəmər döyüşündə 70 kq çəkidə çempion müəyyənləşəcək.
Qeyd edək ki, Vüqar Kərəmov "Rizin" çərçivəsində keçirdiyi 8 döyüşün 6-da qalib gəlib.
