"Sevilya" Juninyonun keçidini həll etdi - Hansı məbləğə razılıq oldu?
"Qarabağ"ın futbolçusu Juninyonun "Sevilya"ya transferi tamamlanıb.
Mediasport.az xəbər verir ki, klublar arasında razılıq əldə olunub.
İspaniyanın "Ficherio" nəşrinin yazdığına inansaq, braziliyalı forvardın La Liqa klubuna keçidi 3-3,5 milyon avroya razılaşdırılıb.
28 yaşlı hücumçunun "Sevilya"nın La Liqanın 20-ci turu çərçivəsində yanvarın 12-də "Valensiya" ilə keçirəcəyi oyuna qədər komandaya qoşulacağı qeyd edilib.
Juninyo Azərbaycana ötən ilin yayında Portuqaliyanın "Şaviş klubundan gəlib. Onun ağdamlılarla müqaviləsi 2026-ci ilin yayına qədər qüvvədədir.
