"Zirə" "Şamaxı" ilə yoxlama matçında geri dönüşlə qalib gəldi
Təlim-məşq toplanışını davam etdirən "Şamaxı" və "Zirə" kollektivləri yoxlama matçında qarşılaşıblar.
Mediasport.az xəbər verir ki, Zirə Olimpiya İdman Kompleksinin stadionunda keçirilən görüş meydan sahiblərinin qələbəsi ilə yekunlaşıb - 3:1.
Şamaxı klubu 3-cü dəqiqədə hesabı açsa da, ikinci hissədə üstünlüyünü qoruya bilməyib.
"Qartallar"ın qollarını Elçin Əlicanov, Eldar Quliyev və Ceyhun Nuriyev vurubsa, bölgə təmsilçisinin heyətində Rafael Məhərrəmli fərqlənib.
