Benzia Azərbaycana qayıda bilmədi - Kluba xəbər göndərdi, razılaşdılar
"Qarabağ" qış toplanışını tam heyətlə davam etdirmir.
Mediasport.az xəbər verir ki, komandanın zədəli, xəstə olan futbolçuları var.
Bu barədə jurnalistlərə açıqlamasında baş məşqçi Qurban Qurbanov məlumat verib:
"Bədavi Hüseynovun zədəsi davam edir. Abdullah Zubirin qızdırması var idi, məşqlərə qoşulmurdu. Benzianın isə anasının vəziyyəti ağırdır. Ona görə hələ qayıtmayıb.
Xəbər göndərdi və biz də razılaşdıq ki, hələlik anası ilə olsun. Nə vaxt geri qayıdacağı hələ bilinmir".
