Azərbaycan badmintonçularından Botsvanada 3 qızıl, 3 bürünc medal
Azərbaycan badmintonçuları Botsvanada keçirilən “Future” seriyalı “Botswana İnternational 2024” beynəlxalq turnirində 3 qızıl və 3 bürünc medal qazanıblar.
Mediasport.az xəbər verir ki, kişi badmintonçuların şəxsi yarışında Diki Pangestu, qoşa yarışında Aqil Qəbilov-Diki Pangestu, qarışıq qoşa kateqoriyasında isə Aqil Qəbilov-Era Maftuha tandemi Afrika və Avropa təmsilçilərinin yarışında qızıl medala yiyələnib.
Cahid Əlhəsənov-Həcər Nuriyeva cütlüyü də qarışıq qoşa kateqoriyasında bürünc medala sahib çıxıb.
Daha 2 bürünc medalı qadın badmintonçuların şəxsi yarışında Həcər Nuriyeva və Era Maftuha əldə ediblər.
