"Şahdağ" Turizm Mərkəzinə beynəlxalq sertifikat verilib
"Şahdağ" Turizm Mərkəzinə Beynəlxalq Xizək Federasiyası (FİS) tərəfindən homologasiya (yoxlanışdan keçmə) sertifikatı təqdim edilib.
Mediasport.az xəbər verir ki, Qış İdman Növləri Federasiyasının verdiyi məlumatda "Şahdağ" Turizm Mərkəzində aparılan yamacların homoloqasiya prosesinın başa çatdığı bildirilib.
Sertifikata əsasən, orada Dağ Xizəyinin slalom, qiqant slalom və super G növü üzrə beynəlxalq yarışların keçirilməsi hüququ qüvvəyə minib.
Həmçinin, "Şahdağ" Turizm Mərkəzi beynəlxalq yarışların keçirilməsi üçün Beynəlxalq Xizək Federasiyasının yarış təqviminə əlavə edilməsi imkanı yaradır.
Xatırladaq ki, homoloqasiya xizək və snoubord üzrə idmançıların ən yüksək səviyyələrdə çıxış edə biləcəyi məkanların inkişafının vacib aspekti sayılır və FİS yarışlarının keçirildiyi bütün yamacların homologasiyadan keçirilməsi vacib amil olaraq qəbul edilir.
