Konfrans Liqasında əsas mərhələ yekunlaşdı - Püşk bu gün atılacaq
UEFA Avropa Konfrans Liqasının əsas mərhələsində sonuncu turun oyunları keçirilib.
Mediasport.az xəbər verir ki, 6-cı tur çərçivəsində 18 qarşılaşma eyni saatda başlanıb.
1/8 final və pley-off mərhələsinə 24 komanda vəsiqə qazanıb.
İlk 8 yeri tutanlar 1/8 finala, 9-24-ci sıralarda qərarlaşan kollektivlər isə 1/16 finala yüksəliblər.
"Çelsi" maksimum nəticə ilə pley-offa adlayan yeganə komanda olub.
Azərbaycan yığmasının üzvü Ozan Can Kökcünün formasını geyindiyi Finlandiyanın HJK klubu 4 xal toplayıb və mübarizəni başa vurub.
Pley-off mərhələsinin püşkü bu gün Bakı vaxtilə saat 16:00-da atılacaq.
Avropa Konfrans Liqası. Əsas mərhələ. 6-cı tur
“Larne” (Şimali İrlandiya) - “Gent” (Belçika) 1:0
“Selye” (Sloveniya) - TNS (Uels) 3:2
“Yagelloniya” (Polşa) - “Olimpiya” (Sloveniya) 0:0
“Borats” (Bosniya və Herseqovina) - “Omoniya” (Kipr) 0:0
TSK (Serbiya) - Noa (Ermənistan) 4:3
“Panatinaikos” (Yunanıstan) - “Dinamo” (Minsk, Belarus) 4:0
“Harts” (Şotlandiya) - “Petrokub” (Moldova) 2:2
“Luqano” (İsveçrə) - “Pafos” (Kipr) 2:2
“Serkl Brügge” (Belçika) - “Başakşəhər” (Türkiyə) 1:1
“Vitoriya” (Portuqaliya) - “Fiorentina” (İtaliya) 1:1
“Rapid” (Avstriya) - “Kopenhagen” (Danimarka) 3:0
APOEL (Kipr) - “Astana” (Qazaxıstan) 1:1
“Yurqorden” (İsveç) - “Legiya” (Polşa) 3:1
“Haydenhaym” (Almaniya) - “Sankt Qallen” (İsveçrə) 1:1
“Mölde” (Norveç) - “Mlada Boleslav” (Çexiya) 4:3
“Betis” (İspaniya) - HJK (Finlandiya) 1:0
LASK (Avstriya) - “Vikinqur” (İslandiya) 1:1
“Çelsi” (İngiltərə) - “Şemrok Rovers” (İrlandiya) 5:1
