Roman Qriqorçuk "Neftçi"yə gəlişini arzuolunmaz hesab etdi
Ukrayna LNZ klubunun yeni baş məşqçisi Roman Qriqorçuk hazırkı təyinatını şərh edərkən “Neftçi”dəki qısa müddət çalışmasını da xatırlayıb.
Mediasport.az “Террикон”a istinadən xəbər verir ki, ukraynalı mütəxəssis Bakı klubundakı iş prosesi haqda bunları deyib:
"Mən həqiqətən Ukraynaya qayıtmaq istəyirdim. Azərbaycana sonuncu gedişim planlaşdırılmamış və arzuolunmaz oldu. Daha doğrusu, təsadüf idi. Artıq Ukraynaya qayıtdım və buna görə çox şadam".
Xatırladaq ki, "Neftçi" ilə Azərbaycan Premyer Liqasında 1 qələbə qazana bilməyən Qriqorçuk 9 turdan sonra istefaya göndərilmişdi.
