Azərbaycan boksçularının 2024-cü ildə qazandığı medal sayı açıqlandı
Azərbaycan boksçuları 2024-cü ildə 160 medal qazanıblar.
Mediasport.az xəbər verir ki, bu barədə Azərbaycan Boks Federasiyasının prezidenti Sahil Babayev deyib.
Kişilər arasında ölkə çempionatının bağlanış mərasimində iştirak edən qurum rəhbəri ötən illə müqayisədə builki medal sayının daha çox olduğunu bildirib:
"Mükafatçılar arasında kiçik yaşlı uşaqların olması müsbət məqamdır. Bu il bizim üçün uğurlu oldu. Sumqayıtda, Lənkəranda boks mərkəzləri inşa edildi. Gəncə şəhərində isə bu istiqamətdə işlər gedir. Prezident İlham Əliyev hər zaman ölkə idmanına böyük dəstək verir. Dövlətimizin başçısı idmançıların rifahını yaxşılaşdırmaq üçün əlindən gələni edir".
S.Babayevin sözlərinə görə, Azərbaycanın beynəlxalq dərəcəli boks hakimlərinin sayı 8-dən 21-ə yüksəlib.
