Yığma komandamız Avropa çempionatı üçün Avstriyaya getdi
Avropa çempionatının təsnifat mərhələsində mübarizə aparacaq kişi voleybolçulardan ibarət Azərbaycan millisi Avstriyaya yola düşüb.
Mediasport.az xəbər verir ki, B qrupunda yer alan komandamızın ilk oyunu avqustun 17-də Avstriya yığmasına qarşı olacaq.
Voleybolçularımız növbəti görüşü avqustun 24-də Bakıda Belçika millisinə qarşı keçirəcəklər.
Qitə birinciliyinin təsnifat mərhələsində çıxış edəcək komandanın heyətində 14 voleybolçu yer alıb:
Hücumçular: Vüqar Bayramov, Andrey Melnikov, Cavid Əzimov, Yusif Bünyatov, Aslan Həmidov, Ruslan Əliyev
Blokçular: Elmin Alışanov, Mərdan Məmmədov, Ramazan Ağabəyov
Toppaylayıcılar: Roman Qurski, Əmirmehdi Ablou, Vüsal Rüstəmov
Liberolar: Kənan Allahverdiyev, Nihad Qasımov
Baş məşqçi: Fərid Cəlalov
Köməkçi məşqçilər: Akif Vəliyev, Ülvi Rəcəbli
