Azərbaycan yığması Kosovoda Ermənistan millisini darmadağın etdi
Kosovanın paytaxtı Priştina şəhərində 16 yaşlı oğlanlar arasında keçirilən basketbol üzrə Avropa çempionatı "C" divizionunun oyunları davam edir.
MediaSport.az xəbər verir ki, B qrupunda yer alan komandamız qrupdakı ikinci oyununda Ermənistan yığması ilə qarşılaşıb.
Prinsipial oyun Azərbaycan basketbolçularının inamlı qələbəsi ilə yekunlaşıb. Millimiz rəqibini darmadağın edib - 92-58.
U-16 yığmamız qrupda növbəti matçını Albaniyaya qarşı keçirəcək. Görüş iyulun 23-də Bakı vaxtı ilə saat 19:30-da başlanacaq.
Millimiz ilk dueldə Moldovaya 50:64 hesabı ilə məğlub olub.
