Renat Dadaşovdan Türkiyə Superliqasında uğurlu debüt
![Renat Dadaşovdan Türkiyə Superliqasında uğurlu debüt](https://mediasport.az/uploads/images/202309/image_750x_651273a88f6bb.jpg)
Azərbaycan milli komandasının hücumçusu Renat Dadaşov "Hatayspor"un heyətində Türkiyə Superliqasında debüt oyununa çıxıb.
Mediasport.az xəbər verir ki, Volkan Dəmirəlin komandası iddialılardan "Trabzonspor"u qəbul edib və 0:2 hesabı ilə geri düşdüyü qarşılaşmada əzmkarlıq göstərərək 3 qol vurmaqla qələbə qazanıb.
Renat 84-cü dəqiqədə meydana daxil olub və ikinci qolun vurulmasında yaxından iştirak edib.
"Hatayspor" 6 turdan sonra 10 xalla 4-cü sıraya yüksəlib.
Qeyd edək ki, yığmamızın forvardı Hatay təmsilçisində mövsümün sonuna qədər icarə əsasında çıxış edəcək. O, İsveçrənin "Qrasshopper" klubuna məxsusdur.