Cavid Hüseynov İkinci Liqa klubu ilə 1 illik müqavilə bağladı
Yeni mövsümdən 2-ci Liqada mübarizə aparacaq "Cəbrayıl" Cavid Hüseynovla münasibətlərini rəsmiləşdirib.
mediasport.az xəbər verir ki, 35 yaşlı gənc mütəxəssislə 1 illik müqavilə imzalanıb.
C.Hüseynov 1988-ci ildə Cəbrayıl şəhərində anadan olub. Futbolçu kimi "Turan", "Neftçi", "Adana Dəmirspor", "Bakı", "Qəbələ", "Zirə" klublarında çıxış edib.
2021-ci ildən "Cəbrayıl"da məşqçi karyerasına başlayıb. 2022/23 mövsümündə Premyer Liqada "Şamaxı" klubuna rəhbərlik edib.
2022-ci ildə "Cəbrayıl" ilə Azərbaycan Region Liqasının qalibi olub.
