"İdman Azərbaycan" kanalının yeni direktoru tanınmış jurnalist oldu
"İdman Azərbaycan" telekanalına yeni direktor təyin edilib.
mediasport.az saytının əldə etdiyi məlumata görə, bu barədə "Azərbaycan Televiziya və Radio Verilişləri” Qapalı Səhmdar Cəmiyyətinin sədri Rövşən Məmmədov əmr imzalayıb.
Əmrə əsasən, kanalın direktor müavini vəzifəsini yerinə yetirən Rövşən Binnətli bundan sonra direktor səlahiyyətlərini icra edəcək.
"İdman Azərbaycan"a qədər "CBC Sport" kanalının Xəbərlər Departamentində şef redaktor olan Rövşən Binnətli AzTV-nin sədri Rövşən Məmmədovla birlikdə əvvəllər "Lider" televiziyasında fəaliyyət göstərib. R.Binnətli tarixə qovuşmuş tv-də şərhçi və şərhçilər qrupunun rəhbəri olub.
