Sabiq "Keşlə" və "Neftçi"lilər millini Avropa çempionatına çıxardılar
Gürcüstanın 21 yaşadək futbolçulardan ibarət yığması ardıcıl ikinci dəfə Avropa çempionatının final mərhələsinə vəsiqə qazanıb.
Mediasport.az xəbər verir ki, 2015/2017-ci illərdə "Keşlə"nin ("Şamaxı") baş məşqçisi olmuş Zaur Svanadzenin köməkçisi vəzifəsində işləmiş Ramaz Svanadzenin hazırda rəhbərlik etdiyi U-21 bu zəfərə Xorvatiyada yerli komandadan üstün olmaqla imza atıb.
Ötən həftə Tbilisidə 1:0 hesablı qələbə qazanan gürcülər cavab pley-off görüşündə Xorvatiyada 2:3 hesabı ilə uduzsalar da, penaltiləri daha dəqiq yerinə yetirərək 2025-ci ilin yayında Slovakiyada keçiriləcək qitə birinciliyinin final mərhələsinə vəsiqəni təmin ediblər.
Xatırladaq ki, Svanadzenin millidə əsas köməkçilərindən biri “Neftçi” və “Qarabağ”ın sabiq futbolçusu Georgi Adamiyadır.
