İdmançımız dünya çempionatında mübarizəyə uğurla başladı
Danimarkanın Kopenhagen şəhərində badminton üzrə dünya çempionatı start götürüb.
mediasport.az xəbər verir ki, kişi badmintonçuların şəxsi kateqoriyasında mübarizə aparan Edi Reski Dviçayo DÇ-yə qələbə ilə başlayıb.
Mübarizəyə 1/32 finaldan başlayan təmsilçimiz ilk görüşündə ABŞ bamdintonçusu Castin Ma ilə qarşılaşıb. Hər iki setdə rəqibindən üstün olan Edi 2:0 (21-14,21-17) hesablı qələbə qazanıb.
O, 1/8 finala yüksəlmək uğrunda Sinqapur badmintonçusu Loh Kin Yeşlə qarşılaşacaq.
Kişi badmintonçuların qoşa yarışında Edi Reski Dviçayo-Ezmi Qovimuramadhoni tandemi Tailand badmintonçuları Supak Jomkoh-Kittinuponq Kedren qoşasına 0:2 (13-21,12-21) hesabı ilə uduzub.
