Elçin Məsiyev Avropa Konfrans Liqası görüşünü idarə edəcək
FİFA referisi Elçin Məsiyev növbəti təyinat alıb.
Mediasport.az xəbər verir ki, ədalət təmsilçisi UEFA Avropa Konfrans Liqasının Liqa mərhələsinin IV turu çərçivəsində keçiriləcək “Serkle Brügge” (Belçika) – “Harts” (Şotlandiya) oyununun baş hakimi olacaq.
Ona Elşad Abdullayev və Pərvin Talıbov kömək edəcəklər.
Dördüncü hakim funksiyasını Fərid Hacıyev yerinə yetirəcək.
Noyabrın 28-də Brügge şəhərində yerləşən “Jan Breydel” stadionunda keçiriləcək görüş Bakı vaxtı ilə saat 21:45-də başlanacaq.
