Komandamız Çempionlar Liqasının 1/8 finalında - "Zirə" isə uduzdu
Minifutbol üzrə Azərbaycan çempionu "Birbaşa Bakı" komandası Bolqarıstanın paytaxtı Sofiyada təşkil olunan Çempionlar Liqasında ikinci oyununu keçirib.
Mediasport.az xəbər verir ki, təmsilçimiz bu dəfə Moldovanın "Volta" klubu ilə qarşılaşıb.
Görüş komandamızın 4:1 hesablı qələbəsi ilə başa çatıb. Dünən Yunanıstan çempionu “Maqufana”ya da qalib gələn (3:1) "Birbaşa Bakı" xal ehtiyatını 6-ya çatdıraraq adını vaxtından əvvəl 1/8 finala yazdırıb.
Üçüncü görüşdəki rəqib Albaniyanın "Prestij" klubu olacaq və matç bu gün saat 20:00-da başlanacaq.
Yarışdakı digər təmsilçimiz "Zirə" isə ilk oyunda Ukraynanın "Andezit" kollektivi ilə bacarmayıb - 0:1. Komandamız Bakı vaxtı ilə saat 20:00-da Bolqarıstanın "Terra Trak" kollektivi ilə qarşılaşacaq.
Bu qrupda üç klub mübarizə aparır.
