İspaniya La Liqası klubunu qabaqlayan "Qarabağ" 57-cidir - UEFA-nın yeni reytinq cədvəli
Avropa Liqasının 1/8 final mərhələsindən sonra klubların UEFA reytinqi açıqlanıb.
Mediasport.az xəbər verir ki, siyahıda Azərbaycanın yalnız bir təmsilçisi yer alıb.
Tarixində ilk dəfə Avropa Liqasında 1/4 finala qədər irəliləyən “Qarabağ” 57-58-ci yerləri bölüşür.
Qurban Qurbanovun komandası İspaniyanın “Betis” klubu ilə eyni xala malikdir.
Hər iki kollektivin aktivində 33,000 xal var.
Lakin Azərbaycan çempionu əlavə göstəricilərə görə La Liqa təmsilçisini qabaqlayaraq 57-ci sırada dayanıb.
