Nərgiz İsmayılova Gürcüstan - Avstriya oyununa təyinat aldı
![Nərgiz İsmayılova Gürcüstan - Avstriya oyununa təyinat aldı](https://mediasport.az/uploads/images/202305/image_750x_6477203a5abde.jpg)
Azərbaycan Voleybol Federasiyası Regional İnkişaf Mərkəzinin rəhbəri, Avropa Voleybol Konfederasiyasının (CEV) Avrokuboklar Komissiyasının üzvü Nərgiz İsmayılova kişi voleybolçular arasında "Gümüş Avropa Liqası"nın qarşılaşmasına təyinat alıb.
mediasport.az xəbər verir ki, İsmayılova B qrupunda mübarizə aparan Gürcüstan və Avstriya yığmaları arasında keçiriləcək matçda supervayzer funksiyasını yerinə yetirəcək. Görüş bu gün Gürcüstanda baş tutacaq.
CEV-in bu matç üçün təyinatına əsasən İsmayılova görüşün hakimləri moldovalı Andrey Taran və gürcüstanlı Mixail Guniavanın işinə qiymət verəcək.